Velosiped və ya skuterlə sifarişləri necə yerinə yetirməli

Velosiped və skuterdə daha sürətlə hərəkət edəcəksiniz və piyada olarkən yerinə yetirdiyinizdən daha çox sifariş yerinə yetirə biləcəksiniz və nəticədə gəliriniz daha yüksək olacaq.

Velosiped və ya skuterlə çatdırılmanı necə aktiv etməli

Sistemin sizin üçün sifarişləri daha yaxşı seçə bilməsi üçün «Velosipedlə/skuterlə çatdırılma» seçimini aktiv edin.

Bunun üçün Yango Pro profilinə daxil olun → Tariflər üçün seçimlər bölməsinə keçin və seçimin qarşısındakı keçiricini sağa çəkin. Bundan sonra velosipedlə sifarişlərin yerinə yetirilməsinə dair təlimdə iştirak etmək lazımdır. Həmin təlimdə velosipedin idarə edilməsi, onun gedişə hazırlanması və qulluğu, park etmək qaydası və YNH baş verdikdə nə etməli olduğunuz barədə geniş məlumat alacaqsınız.

Təhlükəsiz idarəetmə üçün nə etməli

Sifarişlərdən əvvəl velosipedi yoxlayın. Xəttə çıxmamışdan qabaq velosipedin yaxşı vəziyyətdə olduğundan əmin olun. Şinlərdəki təzyiq, sükanı, əyləci, zənciri, oturacağın hündürlüyü qaydasında olmalı və sizə uyğunlaşdırılmalıdır ki, daha təhlükəsiz və rahat idarə edə biləsiniz.

Sifarişlərdə həmişə, yəni hətta gündüzlər də ön və arxa fənərləri işə salın. Beləcə, yollarda daha çox gözə çarpacaqsınız və qəzaya düşmək riski daha aşağı olacaq.

İcazə verilən yollarda hərəkət edin. Aşağıdakı variantlar var:

1. Velosiped yolu və ya velosiped üçün nəzərdə tutulmuş zolaqla.

2. Yolun hərəkət hissəsinin sağ kənarı ilə. Qaydalara görə, velosiped idarə edənlər məhz belə hərəkət edirlər.

3. Piyadalar üçün nəzərdə tutulmuş səkiyə çıxmamağa çalışın, amma sadalananlardan heç biri yoxdursa, səki ilə hərəkət etmək olar.

Yadda saxlayın: velosiped idarə edənlər də avtomobil idarə edənlər kimi yol hərəkətinin tam hüquqlü üzvləridir. Həmişə ayıq-sayıq olun: piyadalar və sürücülər sizi görməyə bilər, qəflətən dayana və ya siz tərəfə dönə bilərlər.

Manevrlərinizi əl ilə göstərin. Manevrlərdən qabaq yaxşı göründüyünüzdən əmin olun və sürəti azaldın.

Sağa dönürsünüzsə, sağ qolunuzu yana doğru uzadın. Avtomobillərin bir hissəsi sağa dönürsə, siz isə düz getməlisinizsə, sağ kənar zolaqdan hərəkətin qadağan olunmadığından və sürücülərin keçməyinizə imkan verdiyindən əmin olduqdan sonra əlavə siqnalsız düz gedin.

Yolda yalnız bir zolaq olduqda sola dönmək olar. Bir neçə zolaq varsa, yaxud yolda tramvay yolları varsa, sola yalnız piyada keçidi ilə dönün.

Təcili dayanmalısınızsa, digər yol hərəkəti iştirakçılarını bu barədə xəbərdar edin və qolunuzu yuxarı qaldırın.

Məsləhət: telefon saxlayıcıdan istifadə etməyə çalışın. Beləcə, hərəkət zamanı əlləriniz sükanda olacaq və piyada və ya avtomobil sizi görmədikdə təcili əyləcə basa biləcəksiniz.

İşarələrə diqqət yetirin. Hansı küçə (əsas və ya ikinci dərəcəli) ilə getdiyinizi yadda saxlayın. Bu, yol kəsişmələrini təhlükəsiz keçməyə kömək edəcək.

Piyada keçidi ilə hərəkət etmək olmaz: velosipeddən düşün və yolu keçənə kimi onu əlinizlə irəli aparın.

Həyət yerlərində diqqətli olun. Həmişə sürəti azaldın və binaların yanında və həyətlərdə xüsusilə diqqətli olun. Orada çoxlu piyada, uşaq və heyvanlar ola bilər. Həyətə girəndə zəngdən istifadə etməyin: o, uşaqları və itləri qorxuda bilər.

Harada və necə park etməli

Velosipeddən aralanmalısınızsa, velosipedi kilidlə park edin ki, onu oğurlamasınlar. Onu məhəccər, hasar, velosiped üçün park yerləri kimi tərpənməyən konstruksiyalara bağlamağa çalışın. Velosipedinizin təhlükəsizlikdə olması üçün kilidi çərçivədən və ön təkərdən keçirin.

Velosipedi park etmək üçün yer yoxdursa, sadəcə kilidi çərçivədən və təkərdən keçirin. Beləcə, heç kim onu idarə edə bilməyəcək. Yalnız velosipedin təkərini kilidlə bağlamaq və ya velosiped dayanacağında kilidsiz qoymaq qadağandır.

YNH baş verdikdə və ya piyada ilə toqquşduqda nə etməli

Çatdırılma vaxtı hər şey baş verə bilər hətta YNH. Belə vəziyyətdə nə etmək lazımdır:

• Panikaya düşməyin!

• Həm özünüzün, həm də hadisənin digər üzvlərinin qaydasından olduğundan əmin olun.

• Hər şey qaydasındadırsa və nə sizin, nə hadisənin ikinci üzvünün tələbi yoxdursa, sakitcə ayrılın.

YNH ciddi olduqda və tərəflərdən biri zərər çəkdikdə, velosiped sındıqda və nəticədə siz çatdırılmanı davam etdirə bilmirsinizsə:

• Yango Pro tətbiqində dəstək xidmətinə yazın.

• 103 (Təcili yardım) və digər aidiyyəti qurumlara məlumat verin.

• 102 nömrəsinə zəng edərək DİN/DYP əməkdaşlarını hadisə yerinə çağırın.