«Yük» tarifində xidmət standartları

Xidmət standartları «Yük» tarifindəki sürücülər üçün qaydalardır. Onlara riayət etdikdə istifadəçilər sizə tez-tez yüksək qiymət qoyacaqlar. Standartların pozulmasına görə sifarişlərə giriş imkanı məhdudlaşdırıla bilər.

İstifadəçilər ilə necə ünsiyyət qurmalı

• Nəzakətli olun: salamlaşmağı və sağollaşmağı unutmayın, istifadəçilərə «siz» deyə müraciət edin.

• Gülümsəyin, çünki sizin əhvalınız da ümumi təəssürata təsir edir.

• Sifarişlərə şərhləri oxuyun və onlara əməl edin. Məsələn, orada sənaye zonasında lazımi bloku necə tapmaq qeyd oluna bilər.

• Sifarişə aid olmayan mövzuda söhbətə başlamaq və ya şərh bildirmək tövsiyə olunmur. Beləcə vaxt itirməyəcəksiniz və təsadüfi münaqişədən uzaq duracaqsınız.

• Sizə yüksək qiymət qoymağı xahiş etməyin. Siz hər şeyi doğru yerinə yetirsəniz, istifadəçi çox güman ki, özü sizə yüksək qiymət qoymaq istəyəcək.

Necə geyinməli

Vahid forma olmadığı üçün sifarişləri sizin üçün rahat geyimlərdə yerinə yetirə bilərsiniz.

Bununla belə, idman və çimərlik geyimləri, qolsuz maykalar, şap-şaplar və çəkələk geyinməyi tövsiyə etmirik. Bu qeyri-peşəkar görüntü yaradır, ona görə də istifadəçilər sizə aşağı qiymət qoya bilər və beləcə, reytinqiniz aşağı düşəcək.

Yanınızda nə olmalı

Sizə lazım olacaq:

• qalıq qaytarmaq üçün nağd pul

• telefon üçün enerji doldurma cihazı

• Şəxsiyyət vəsiqəsi — anbara və ya əraziyə buraxılış icazəsi rəsmiləşdirmək üçün tələb oluna bilər

• yükün bərkidilməsi üçün kəmərlər

• əski, süpürgə — kuzov çirklənsə lazım ola bilər

• əşyaların sürüşməməsi üçün kuzovun ölçüsündə təmiz döşənəcək

Sifarişdə necə davranmalı

• Sifarişi qəbul etdikdən sonra dərhal göndərənin ünvanına yollanın.

• İstifadəçi marşrutu dəyişmək istədikdə ondan təyinat nöqtəsini tətbiq vasitəsilə dəyişməyi xahiş edin.

• Yük yerini boş və təmiz saxlayın.

• Yükü bərkitmək üçün bağlama kəmərlərini özünüzlə götürün.

• İstifadəçi üçün azı bir sərnişin yerini boş saxlayın.

• «Yükvuran» seçimi aktivdirsə, yükü maşına yükləməyə və boşaltmağa hazır olun, yaxud bunun üçün yükvuran tapın.

• Avtomobil haqqında məlumatı düzgün göstərin. Növü, markası, modeli, dövlət qeydiyyat nişanı, ölçüsü Yango Pro-da göstərilənlərə uyğun olmalıdır.

Xidmətdə nə qadağandır

• İstifadəçilər və Yango Çatdırılmanın əməkdaşları ilə kobud danışmaq.

• Münaqişələrə başlamaq.

• Göndərəndən sifarişi ləğv etməyi xahiş etmək və ya onu Yango Pro-dan kənarda çatdırmaq

• İstifadəçidən çatdırılma sifarişinə «beş qiyməti» qoymağı xahiş etmək.

• Qəbuledəndən Yango Pro-da qeyd olunandan daha çox pul istəmək.

• Qablaşdırmanı açmaq və ya korlamaq. Qablaşdırma sifarişin əvvəlindən zədələnibsə, zədələnmə yerinin göndərən ilə birgə fotosunu çəkin.

• Sifarişləri mənimsəmək.

• Sifarişləri başqa şəxsin profilində yerinə yetirmək və ya hesabı başqa sürücüyə ötürmək.

• Göndərənin və ya qəbuledənin məlumatlarını şəxsi məqsədləriniz üçün istifadə etmək — sifarişdən sonra istifadəçilərə zəng etmək və yazmaq olmaz.

• Sərxoş halda xəttə çıxmaq.

• Yango Çatdırılmaya qarşı səhlənkar hərəkətlər etmək.

• Lazımi ünvana çatmamışdan qabaq «Yerində» statusuna basmaq. Kuzovun daxili çirkli olduqda sifarişlər yerinə yetirmək. Sifarişlərə başlamamışdan qabaq onu təmizləyin.

• Yükü müşayiət edən istifadəçini daşımaqdan imtina etmək.

• «Yükvuran» seçiminin aktiv edilməsinə və istifadəçinin onu tətbiqdə seçməsinə baxmayaraq, yükü yükləməkdən və boşaltmaqdan imtina etmək.

Daşınması qadağan olunanlar

• Məişət və tikinti tullantısı

• Maşına tam sığmayan əşyalar

• Xüsusi şəraitdə daşınması tələb olunan əşyalar: seyf, idman avadanlıqları, piano, antikvar əşyalar, akvarium

• Daşınması qanunla qadağan olunan. Məsələn, pul və zinət əşyaları, silah, narkotik vasitələr, heyvanlar

• Kuzovda adam

Sizdən bu siyahıda qeyd olunanlardan hər hansı birini çatdırmağı xahiş etsələr, çatdırmaqdan imtina edin və dəstək xidmətinə məlumat verin.