Piyada kuryerlər üçün xidmət standartları

Xidmət standartları kuryerlərin riayət etməli olduqları qaydalardır. Bu qaydalara riayət etdikdə istifadəçilər sizə tez-tez yüksək qiymət qoyacaqlar.

İstifadəçilər ilə necə ünsiyyət qurmalı

• Nəzakətli olun: salamlaşmağı və sağollaşmağı unutmayın, istifadəçilərə «siz» deyə müraciət edin.

• Gülümsəyin, çünki sizin əhvalınız da ümumi təəssürata təsir edir.

• Sifarişlərə şərhləri oxuyun və onlara əməl etməyə çalışın. «Qapı zəngini basmayın» yazılıbsa, mənzilin qapısını döyün. Ola bilsin ki, mənzildə körpə uşaq yatır və zəngin səsi onu oyada bilər.

• Sifarişə aid olmayan hər hansı mövzuda söhbətə başlamaq və ya şərh bildirmək tövsiyə olunmur. Beləcə vaxt itirməyəcəksiniz və təsadüfi münaqişədən uzaq duracaqsınız.

• Sizə yüksək qiymət qoymağı xahiş etməyin. Siz hər şeyi doğru yerinə yetirsəniz, istifadəçi çox güman ki, özü sizə yüksək qiymət qoymaq istəyəcək.

Necə geyinməli

Sifarişləri hansı geyimdə yerinə yetirməyi siz özünüz seçirsiniz — sifarişlərdə geyimlə bağlı hər hansı tələb yoxdur.

Rahat geyim və ayaqqabı seçin.

Xahiş edirik, idman və çimərlik geyimləri, qolsuz maykalar, şap-şaplar, çəkələk geyinməyin. Bu qeyri-peşəkar görüntü yaradır, ona görə də istifadəçilər sizə aşağı qiymət qoya bilər və beləcə, reytinqiniz aşağı düşəcək.

Yanınızda nə olmalı

Sizə lazım olacaq:

• qalıq qaytarmaq üçün nağd pul

• telefonu enerji ilə doldurmaq üçün xarici akkumulyator

• termoçantanız olmadıqda kiçik göndərişləri qoymaq üçün möhkəm paketlər

• Şəxsiyyət vəsiqəsi və ya sürücülük vəsiqəsi — bəzi biznes mərkəzlərində sənədsiz içəri buraxmırlar.

Şəxsi əşyalar üçün kürək və ya bel çantası götürmək olar. Onunla əlləriniz məşğul olmayacaq.

Termoçantanız varsa, onun üstündə şəxsi əşyalarınız üçün xüsusi ciblər ola bilər. Termoçantanın içində şəxsi əşyaları saxlamaq qadağandır.

Sifarişdə necə davranmalı

• Sifarişi qəbul etdikdən sonra dərhal göndərənin ünvanına yollanın.

• Göndərişi götürdükdən sonra qəbuledənə zəng edin və onun ünvanına yaxınlaşacağınızı bildirin.

• Göndərişi həmişə göndərənin mənzilinin və ya ofisin qapısının yanından götürün və qəbuledənin qapısına qədər çatdırın.

• İstifadəçi marşrutu dəyişmək istədikdə ondan təyinat nöqtəsini tətbiq vasitəsilə dəyişməyi xahiş edin.

Xidmətdə nə qadağandır

• İstifadəçilər və Yango Çatdırılmanın əməkdaşları ilə kobud danışmaq.

• Münaqişələrə başlamaq.

• Göndərəndən sifarişi ləğv etməyi xahiş etmək və ya onu Yango Pro-dan kənarda çatdırmaq

• İstifadəçidən çatdırılma sifarişinə «beş qiyməti» qoymağı xahiş etmək.

• Qəbuledəndən Yango Pro-da qeyd olunandan daha çox pul istəmək.

• Termoçantanın olması barədə işarə varsa və Yango Pro-da fotonəzarətdən keçilibsə, sifarişlərə termoçantasız gəlmək olmaz.

• Göndərişlərin qablaşdırmasını açmaq və ya onları korlamaq. Təhvil alındığı vaxt sifarişin zədələndiyini gördükdə göndərənin yanında zədələnmiş hissənin fotosunu çəkin. Diqqət: istifadəçinin üzü kadra düşməməlidir.

• Sifarişləri mənimsəmək.

• Sifarişləri başqa şəxsin profilində yerinə yetirmək və ya hesabı başqa kuryerə ötürmək.

• Göndərənin və ya qəbuledənin məlumatlarını şəxsi məqsədləriniz üçün istifadə etmək — sifarişdən kənar istifadəçilərə zəng etməyin və yazmayın.

• Sərxoş halda xəttə çıxmaq.

• Yango Çatdırılmaya qarşı səhlənkar hərəkətlər etmək.

Çatdırılması qadağan olunanlar

• heyvanlar

• pul və zinət əşyaları

• silah, narkotik vasitələr və Azərbaycan ərazisində dövriyəsi qadağan olunan və ya məhdud olan digər vasitələr

• təhlükəli maddələr (ətraflı siyahı ilə tanış olun)

• bioloji materiallar, məsələn qan

• reseptlə satılan tibbi preparatlar

• xüsusi qablaşdırması olmayan tez sınan əşyalar və açıq qabda mayelər

• termoçantanız olmadıqda xüsusi şəraitdə çatdırılması tələb olunan ərzaq məhsulları və digər göndərişlər

• termoçantanı çirkləndirəcək və ya zədələyəcək göndərişlər

Sifarişdə bu siyahıda qeyd olunanlardan hər hansı birinin olduğunu öyrənsəniz, çatdırmaqdan imtina edin və dəstək xidmətinə məlumat verin.