«Yük» tarifi haqqında əsas məlumatlar

«Yük» tarifində minik avtomobilinə sığmayan əşyalar (avtomobil hissələri, mebel, tikinti materialları) çatdırılır. Adətən bu mağazalardan və ya anbarlardan çatdırılma sifarişləridir.

Bir mənzildən digərinə köçmək, tikinti materiallarının, məişət texnikası və ya şəxsi əşyaların daşınması üçün Yango istifadəçiləri də çatdırılma sifariş edə bilərlər.

Hansı avtomobillərin uyğun olduğunu, sifarişlərin xüsusiyyətlərini və daşınması qadağan olunanlar haqqında ətraflı danışırıq.

Hansı avtomobil uyğundur

«Yük» tarifində aşağıdakı ölçülərə malik avtomobillərlə sifariş yerinə yetirmək olar:

Kiçik kuzov

• Uzunluğu — azı 170 sm, eni — azı 100 sm, hündürlüyü — azı 90 sm;

• Yük tutumu — 300 kq;

• Uyğun avtomobillər: Citroen Berlingo, Lada Largus, Renault Dokker, Renault Kangoo Express, Volkswagen Caddy, Daewoo Damas, Daewoo Labo və oxşar avtomobillər

Orta ölçülü kuzov

• Uzunluğu — azı 260 sm, eni — azı 130 sm, hündürlüyü — azı 150 sm;

• Yük tutumu — 700 kq.

• Uyğun avtomobillər: Citroen Jumper, Ford Transit, Hyundai H100, Hyundai Porter, Peugeot Boxer, Volkswagen Crafter, Changan SC və oxşar avtomobillər

«Yük» tarifində yükvuranlar haqqında

Bəzi sifarişlərdə yükvuranın köməyi qaçılmazdır. Yükvuran yükü maşına yükləyən və oradan boşaldan şəxsdir. Sürücü və ya başqa şəxs yükvuran ola bilər. Yükvuranların olduğu sifarişlərin qiyməti daha yüksək olur.

Sifarişlərdə qadağan olunanlar

• İstifadəçilər və Yango Çatdırılmanın əməkdaşları ilə kobud danışmaq.

• Münaqişələrə başlamaq.

• Göndərəndən sifarişi ləğv etməyi xahiş etmək və ya onu Yango Pro-dan kənarda çatdırmaq

• İstifadəçidən çatdırılma sifarişinə «beş qiyməti» qoymağı xahiş etmək.

• Qəbuledəndən Yango Pro-da qeyd olunandan daha çox pul istəmək.

• Qablaşdırmanı açmaq və ya korlamaq. Qablaşdırma sifarişin əvvəlindən zədələnibsə, zədələnmə yerinin göndərən ilə birgə fotosunu çəkin.

• Sifarişləri mənimsəmək.

• Sifarişləri başqa şəxsin profilində yerinə yetirmək və ya hesabı başqa sürücüyə ötürmək.

• Göndərənin və ya qəbuledənin məlumatlarını şəxsi məqsədləriniz üçün istifadə etmək — sifarişdən sonra istifadəçilərə zəng etmək və yazmaq olmaz.

• Sərxoş halda xəttə çıxmaq.

• Yango Çatdırılmaya qarşı səhlənkar hərəkətlər etmək.

• Lazımi ünvana çatmamışdan qabaq «Yerində» statusuna basmaq. Kuzovun daxili çirkli olduqda sifarişlər yerinə yetirmək. Sifarişlərə başlamamışdan qabaq onu təmizləyin.

• Yükü müşayiət edən istifadəçini daşımaqdan imtina etmək.

• «Yükvuran» seçiminin aktiv edilməsinə və istifadəçinin onu tətbiqdə seçməsinə baxmayaraq, yükü yükləməkdən və boşaltmaqdan imtina etmək.

Daşınması qadağan olunanlar

• Məişət və tikinti tullantısı

• Maşına tam sığmayan əşyalar

• Xüsusi şəraitdə daşınması tələb olunan əşyalar: seyf, idman avadanlıqları, piano, antikvar əşyalar, akvarium

• Daşınması qanunla qadağan olunan. Məsələn, pul və zinət əşyaları, silah, narkotik vasitələr, heyvanlar

• Kuzovda adam

Sizdən bu siyahıda qeyd olunanlardan hər hansı birini çatdırmağı xahiş etsələr, çatdırmaqdan imtina edin və dəstək xidmətinə məlumat verin.

Sifarişlərlə bağlı suallar