Ekonom tarifinin standartları

Yango ilə çalışan hər bir peşəkar sürücü bizim xidmət keyfiyyəti standartlarımıza əməl etməlidir.

Nəqliyyat vasitəsi

• Nəqliyyat vasitələri təsnifat standartlarına əsasən təsdiqlənir.

• Nəqliyat vasitəsi haqqında məlumatlar Yango Pro-dakı məlumatlarla tamamilə eyni olmalıdır.

• Nəqliyyat vasitəsinin xaricində, pəncərələri və ön faraları/arxa faralarında heç bir ciddi zədələr olmamalıdır.

• Yaxşı hava şəraitində nəqliyyat vasitəsinin xarici təmiz olmalıdır. Hava yaxşı olmadıqda (məs, yollarda palçıq olarsa), qapı tutacaqları və qapıların kənarları təmiz olmalıdır.

• Tütün və hava təravətləndiriciləri daxil olmaqla kəskin qoxunun olmadığı təmiz, quru və yaxşı qulluq göstərilmiş salon.

• Avtomobilin üzərindəki bütün brendinq və digər məlumatlandırma materialları Xidmətin tələblərinə uyğun şəkildə yerləşdirilməlidir.

• Yük yeri təmiz olmalı və oraya ən azı bir ədəd 50×80×35 sm ölçüsündə çamadan yerləşməlidir

• Avtomobildə iqlimə nəzarətisistemi olarsa, işə salın.

• Avtomobilin salonundakı multimedia monitorları sərnişini götürən zaman söndürülməlidir. İstifadəçi bunu sizdən xahiş edərsə, onları yenidən işə sala bilərsiniz.

Sürücü

• Reytinq göstəriciləri ən azı 4,5 olmalıdır. Reytinq haqqında ətraflı məlumat 

  burada

• Müvafiq qaydada geyinin və peşəkar görkəmdə olun.

• Sərnişinlərlə danışarkən nəzakətli olun və ehtiramlı davranın.

Gedişlər

• Gediş sifarişini qəbul edən kimi sərnişinin olduğu ünvana yola düşün.

• Yerində düyməsinə yalnız sifariş ünvanına çatdıqdan sonra basın.

• Sərnişinləri həmişə dəqiqliklə tətbiqdə göstərilən ünvana çatdırın. İstifadəçilərin daha erkən enməyi xahiş etməsi və ya yol hərəkəti qaydalarının təyinat ünvanında dayanmağa imkan vermədiyi hallar istisnadır.

• Sərnişin təyinat ünvanını dəyişmək istədikdə ondan bunu tətbiqdə dəyişməyi xahiş edin.

• Hər zaman yanınızda xırda pul saxlayın (irinominallı pul əsginasları üçün).

• Sərnişinlər avtomobildə hər hansı əşyalarını unutduqda Dəstək xidməti ilə əlaqə saxlayın.

• Avtomobildə iqlimə nəzarət sistemi olarsa, sürücü onu nə vaxt işə salacağına qərar verir.

Təhlükəsizlik

• Sürət həddini aşmaq, qoşa xətti tapdalamaq, işıqforun qırmızı işığında keçmək kimi yol hərəkəti qaydalarının pozulmasına yol verməyin.

• Tamamilə ehtiyac olmadığı halda qəfil hərəkət zolağını dəyişmək və əyləcə basmaq kimi qeyri-səlis idarəetmə hallarına yol verməyin və digərlərinin yolu keçməsinə və s. mane olmayın.

• Video izləmək, videozənglər etmək, mesaj yazmaq kimi sükan arxasında diqqətinizi yayındıran hərəkətlərdən uzaq olun.

• Telefonla danışmayın (qulaqlıqlarla qısa zənglər istisna olmaqla).

• Sərnişin xahiş etmədikdə Naviqatordakı istiqamətin əksinə sürməyin.

• Mübahisələrə yol verməyin.

• Heç vaxt başqasının profili ilə sifarişlər yerinə yetirməyin.

• Heç vaxt profilinizdə qeyd olunmayan avtomobil ilə xəttə çıxmayın.

• Heç vaxt başqalarına öz hesabınıza daxil olmağa və ondan istifadə etməyə icazə verməyin.

• Yol-nəqliyyat hadisəsi baş verdikdə Yango ilə əlaqə saxlayın. Sığorta üçün müraciət etməyi və növbəti addımları izah edəcəyik.

• Yango Pro profilinizə fotoşəkil yükləyin. 

• Yango Pro-da tələb olunan sənədlərin şəklini göndərin.

Xidmət aşağıdakıları qadağan edir:

• Mübahisələrə yol açan davranış.

• Gedişdən əvvəl və ya gediş zamanı siqaret çəkmək (elektron siqaretlər daxil olmaqla) və ya sərnişinlərə bunu etməyə icazə vermək.

• Sərnişin siqaret çəkmək istədikdə dayanmağı və ya gedişin bitməsini gözləməyi təklif edin. 

• Tütün və ya çeynəmə məhsullarından istifadə.

• Sərnişinlərdən gedişləri ləğv etməyi və ya ödəniş üsulunu nağd ödənişə dəyişməyi xahiş etmək.

• Sərnişinlərdən Yango Pro-da qeyd olunandan daha çox ödəməyi xahiş etmək. Buraya tarifə daxil olmayan xidmətlər üçün əlavə pul ödəməyi xahiş etmək də daxildir.

• Reytinq üçün sərnişinlərdən 5 qiyməti qoymağı xahiş etmək. Lakin siz sərnişinlərdən gedişi qiymətləndirməyi xahiş edə bilərsiniz. Məsələn, «Bugünkü gedişi qiymətləndirsəniz, çox şad olaram» ifadəsindən istifadə edə bilərsiniz.

• Avtomobildə digər şəxslər və ya heyvanlarla gedişlər yerinə yetirmək.

• Yango xidməti qaydalarının hər hansı formada pozulması.

• Avtomobilə reklam məzmunlu stikerlərin, broşürlərin və oturacaq örtüklərinin və digər hər hansı reklam xarakterli materialların yerləşdirilməsi qadağandır. Taksi parkı (daşıyıcı) haqqında məlumat ön panelin sağ tərəfində nümayiş etdirilə bilər.

Keyfiyyat standartlarını unutmayın: onları pozduqda sifarişlərə çıxış imkanını müvəqqəti və ya həmişəlik itirə bilərsiniz.

Digər sürücülərə, istifadəçilərə və ya xidmət əməkdaşlarına qarşı istənilən kobud davranış qadağandır:

• Təhqirəmiz ifadələrdən və söyüşdən istifadə qadağandır.

• Heç vaxt Dəstək xidməti əməkdaşlarından sorğunuza cavab və ya çıxış yolunu aqressiv formada tələb etməyin. 

• Təhdidlər və şəxsi iradlar qadağandır. 

• Müvafiq olmayan fotoşəkillərin göndərilməsi qadağandır.

Davranış qaydaları mütəmadi pozulduqda sifarişlərə çıxış imkanınız müvəqqəti və ya həmişəlik məhdudlaşdırıla bilər.