Komfort tarifi standartları

Premium tariflərdə sərnişinlər hər xırdalığa diqqət yetirirlər. Bu səbəbdən də sürücü və nəqliyyat vasitələri ilə bağlı standartlar daha yüksəkdir.

Nəqliyyat vasitəsi

• Nəqliyat vasitəsi haqqında məlumatlar Yango Pro-dakı məlumatlarla tamamilə eyni olmalıdır.

• Nəqliyyat vasitəsinin xaricində, pəncərələri və ön faraları/arxa faralarında heç bir ciddi zədələr olmamalıdır.

• İstifadəçi arxa oturacaqlarda rahat əyləşə bilməlidir. Bunu təmin etmək məqsədilə ön sərnişin oturacağını mümkün qədər irəli çəkin. Sonra oturacağı mümkün qədər irəli əyin. Oturacaq ön panelə toxuna bilər, ancaq sərnişinin yan güzgüyə baxmasına mane olmamalıdır.

• Yaxşı havada nəqliyyat vasitəsinin xarici qüsursuz olmalıdır. Hava yaxşı olmadıqda (məs, yollarda palçıq olanda), qapı tutacaqları, qapı çərçivələri və yan pəncərələr təmiz olmalıdır.

• Təmiz və quru salon. Ayaqaltılar və oturacaqlar kimi tez çirklənən hissələrə diqqət yetirin.

• Salonda uşaq oturacaqları və ya busterlər istisna olmaqla hər hansı lazımsız əşyalar olmamalıdır.

• Salonda tütün və hava təravətləndiriciləri daxil olmaqla hər hansı kəskin qoxu olmamalıdır.

• Oturacaqlarda örtük olmamalıdır.

• Avtomobildə iqlimə nəzarət sistemi olarsa, işə salın.

• Avtomobilin salonundakı multimedia monitorları sərnişini götürən zaman söndürülməlidir. İstifadəçi bunu sizdən xahiş edərsə, onları yenidən işə sala bilərsiniz.

• Avtomobilin üzərindəki bütün brendinq və digər məlumatlandırma materialları Xidmətin tələblərinə ciddi şəkildə uyğun olmaqla yerləşdirilməlidir.

• Yük yeri təmiz olmalı və oraya azı bir ədəd 50×80×35 sm ölçüsündə çamadan yerləşməlidir. Yük yeri yalnız üst geyimi, çətir və uşaq oturacağının saxlanılması üçün istifadə olunmalıdır.

• Biz həmçinin avtomobildə iOS və Android (Type-C daxil olmaqla) cihazları üçün enerji doldurma kabellərini saxlamağı tövsiyə edirik.

Sürücü

• Müvafiq qaydada geyinməli və peşəkar görkəmdə olmalısınız. İdman və çimərlik geyimi, qısa qolsuz köynəklər, çəkələk və ya dabanı açıq ayaqqabılar geyinməyin.

• Sərnişinlərlə danışarkən nəzakətli olun və hər zaman «salam», «sağ olun» ifadələrindən istifadə edin.

• İstifadəçilərin pəncərəni bağlamaq, musiqini dəyişmək və s. kimi xahişlərinə əməl edin.

Təhlükəsizlik

• Sürət həddini aşmaq, qoşa xətti tapdalamaq, işıqforun qırmızı işığında keçmək kimi yol hərəkəti qaydalarının pozulmasına yol verməyin.

• Tamamilə ehtiyac olmadığı halda qəfil hərəkət zolağını dəyişmək və əyləcə basmaq kimi qeyri-səlis idarəetmə hallarına yol verməyin və digərlərinin yolu keçməsinə və s. mane olmayın.

• Video izləmək, videozənglər etmək, mesaj yazmaq kimi sükan arxasında diqqətinizi yayındıran hərəkətlərdən uzaq olun.

• Telefonla danışmayın (qulaqlıqlarla qısa zənglər istisna olmaqla).

• Sərnişin xahiş etmədikdə Naviqatordakı istiqamətin əksinə sürməyin.

• Mübahisələrə yol verməyin.

• Heç vaxt başqasının profili ilə sifarişlər yerinə yetirməyin.

• Heç vaxt profilinizdə qeyd olunmayan avtomobil ilə xəttə çıxmayın.

• Heç vaxt başqalarına öz hesabınıza daxil olmağa və ondan istifadə etməyə icazə verməyin.

• Yol-nəqliyyat hadisəsi baş verdikdə Yango ilə əlaqə saxlayın. Sığorta üçün müraciət etməyi və növbəti addımları izah edəcəyik.

• Yango Pro profilinizə fotoşəkil yükləyin. 

• Yango Pro-da tələb olunan sənədlərin şəklini göndərin.

• Avtomobilə reklam məzmunlu stikerlərin, broşürlərin və oturacaq örtüklərinin və digər hər hansı reklam xarakterli materialların yerləşdirilməsi qadağandır. Taksi parkı (daşıyıcı) haqqında məlumat ön panelin sağ tərəfində nümayiş etdirilə bilər.

Gedişlər

• Gediş sifarişini qəbul edən kimi sərnişinin olduğu ünvana yola düşün.

• Yerində düyməsinə yalnız sifariş ünvanına çatdıqdan sonra basın.

  Gedişə musiqisiz başlayın və ya radionu az səslə işə salaraq həzin musiqinin olduğu radio dalğasına qoşulun.

• Salonda sərnişinlər üçün rahat olacaq temperaturun olmasına diqqət yetirin (təxminən 20–22°C). Yay mövsümündə kondisioneri işə salın və pəncərələri bağlayın. İstifadəçilərin temperaturu dəyişmək və ya kondisioneri söndürmək kimi xahişlərinə əməl edin.

• Sərnişinlərə çantaları daşımağa kömək edin.

• Sərnişinləri həmişə dəqiqliklə Yango Pro-da göstərilən ünvana çatdırın. İstifadəçilərin daha erkən enməyi xahiş etməsi və ya yol hərəkəti qaydalarının təyinat ünvanında dayanmağa imkan vermədiyi hallar istisnadır.

• Sərnişin təyinat ünvanını dəyişmək istədikdə ondan bunu tətbiqdə dəyişməyi xahiş edin.

• Hər zaman yanınızda xırda pul saxlayın (irinominallı pul əsginasları üçün).

• Sərnişinlər avtomobildə hər hansı əşyalarını unutduqda Dəstək xidməti ilə əlaqə saxlayın.

Xidmət aşağıdakıları qadağan edir:

• Mübahisələrə yol açan davranış.

• Gedişdən əvvəl və ya gediş zamanı siqaret çəkmək (elektron siqaretlər daxil olmaqla) və ya sərnişinlərə bunu etməyə icazə vermək.

• Sərnişin siqaret çəkmək istədikdə dayanmağı və ya gedişin bitməsini gözləməyi təklif edin. 

• Tütün və ya çeynəmə məhsullarından istifadə.

• Sərnişinlərdən gedişləri ləğv etməyi və ya ödəniş üsulunu nağd ödənişə dəyişməyi xahiş etmək.

• Sərnişinlərdən Yango Pro-da qeyd olunandan daha çox ödəməyi xahiş etmək. Buraya tarifə daxil olmayan xidmətlər üçün əlavə pul ödəməyi xahiş etmək də daxildir.

• Reytinq üçün sərnişinlərdən 5 qiyməti qoymağı xahiş etmək. Lakin siz sərnişinlərdən gedişi qiymətləndirməyi xahiş edə bilərsiniz. Məsələn, «Bugünkü gedişi qiymətləndirsəniz, çox şad olaram» ifadəsindən istifadə edə bilərsiniz.

• Avtomobildə digər şəxslər və ya heyvanlarla gedişlər yerinə yetirmək.

• Yango xidməti qaydalarının hər hansı formada pozulması.

Keyfiyyat standartlarını unutmayın: onları pozduqda sifarişlərə çıxış imkanını müvəqqəti və ya həmişəlik itirə bilərsiniz.

Digər sürücülərə, istifadəçilərə və ya xidmət əməkdaşlarına qarşı istənilən kobud davranış qadağandır:

• Təhqirəmiz ifadələrdən və söyüşdən istifadə qadağandır.

• Heç vaxt Dəstək xidməti əməkdaşlarından sorğunuza cavab və ya çıxış yolunu aqressiv formada tələb etməyin. 

• Təhdidlər və şəxsi iradlar qadağandır. 

• Müvafiq olmayan fotoşəkillərin göndərilməsi qadağandır.

Davranış qaydaları mütəmadi pozulduqda sifarişlərə çıxış imkanınız müvəqqəti və ya həmişəlik məhdudlaşdırıla bilər.